| Notes |
- RAZVL 471
- ...dat wy dies daerzo zijnde van weghen Jacob fs Jans Batens ghebooren binder prochie van Dudzeele certificeren ende attesteren dat voor ons gecommen es Jozynken fa Jacob de Witte ghebooren binder zelve prochie oudt xix jaeren de welcke
comparante heift verclaerst by solemnelen eede ende opgherechte vyngher ende eerste byzondere ende alleene ondervraecht zijnde inde presentie van Anths van Halle pastoor van St Anne kercke ende Pr Ysenbaert vrylaet dat zou comparante langhen
tyt zeer amoureeus gheweest heift ende noch zeer lief ende beminnende es den voorn Jacob Bates nemaer dat de voorn Jacob de Witte haeren vadere niet en heift willen condescenderen noch consenteren int voorganck van haerlieder beede huwelick te
wetene ende wat causen anders dan dat hy niet en heeft connende accorderen met den voorn Jacob Batens van hare duarie? Ende dat oock haeren voorn vadere alle middelen zouckende ome tvoorengem huwel: te belettene ofte haer depost eerst byden
gheestelicken zoude doen stellen te Brugghe te castanieboomen ende daerna haer van daeren ghehaelt int clooster ghenaempt Betanien. Ende want zou deposante niet en heift connende haer herte vervremden van de voorn Jacob heift zou zelve uut
haeren eyghen monemente by zeker vrauwe persoone den voorn Jacob doen solliciteren om haer te volghen ende hem zeker plaetse ghed...hiert daer zou hem begheerde te vyndene daer comende heift den voorn Jacob sdonderdachs voor palmzondach
laetstl: daer ghevonden ende by haer neerstighen vervolghe terstont met hem ghecomen tot binnen dese stede vander mude.
- Ende tsondache suuchtene zo es zou depste met de voorn Jacob Batens gheassisteert met Jan Mortier ende Jan Lauwers wonachtich binder sluus ende den voorn Pr Ysenbaert ghegaen ande voorn hr Anths van Halle de welcke inden choor van St Anne
kercke binnen deser stede inde presentie vande voorn ghetuijgen heift haer depsante ende den voorn Jacob Batens ghezekert ende ondertrauwe ghedaen eerst neerstelick byden zelven pastoor ondervraecht zijnde of zo by haeren eyghen ende vryen
wille ware.
- Verclaerste anderwarf de zelve depost: dat al tghuent dies voors es al tharen grooten ... ende uut zonderl: liefde ende afectie die ze dragende es totten voorn Jacob haeren bruidegom zonder daertoe byden voorn Jacob ofte ander misleet ofte
gheinduceert te zyne nemaer es als haeren eyghen wille... van al twelcke de voorn Jacob Batens verzocht heift onsen opene letteren van attestatie ende wy hem ghegheven hebben ... op den 22 april 1568 naer paeschen.
|
1549 -
: Address
: Location
: City/Town
: County/Shire
: State/Province
: Country
: Not Set
