| Notes |
- HQN p 91-95
-
- RAZVL 456
- Actum den 1 en van Maert 1567
- pnt: tcollege P:ter Danckaert
- Comp Lauwereijns Zoetaert ende Francois Luucx beeden vrijlaten dewelcken heml: stellen zich borg voor Mr Blasius tgriffie ghevanghen &r teghens Joos vanden Berghe bailliu der zelve stede aldaer pnt: ende de zelve bortocht acepterende belovende
de zelve comparanten den voorn: mr Blasius te rechte te doen stane ende doen compareren voor den voors college tallen tyde dies verzocht zijnde. Ende dat op peyne van hondert carolusguldens elck van heml: te verbuerene deen helt.
- Ende den voorn mr Blasius zijne voornoemde borghen te houdene costeloos scadeloos ende indemne van de voorn bortocht op verbandt van zijne persoon ende goedinghe op welcke bortocht ... die den zelven mr Blasius &r dede in handen vande bailliu
es hij &r gheslact gheweest.
-
- RAZVL 471
- Den 21 Lauwe 1567
- Informatie ghehoort by beede de burchemrs metgaders Jacob Gheertssen Jacob Hendricx scepenen der stede vander mude oock ter presentie van Joos vander Berghe bailliu der zelver stede int hoochuus aldaer. Ende dat opt rapport by hr Anths van
Halle pastoor van St Anne ende Pr Wms aen den zelven bailliu ghedaen van dat een mr Blasius thuusliggende int zelve hoochuus hem zoude binnen der zelver stede vervoordenen te p:kene ende comvocatien te houdene ende dat onder de hoochmesse
binnen den zelven hooghen huuse.
-
- Den voors pastoor ghevraecht op tguendt dies voorschr es hoe dat hem zulx kennelick was wyen hem zulxs hadde ende wat indicien hy daerof hadde zecht dat hy van gheene prekinghe nochte convocatien en weet noch dat hem zulx van nemant
gherapporteirt es gheweist. Nemaer wel dat den zelven mr Blasius jeghens zome fgs: zoude ghezeyt hebben wat mact ghyl: inde kerck godt en es gheen bedelare, dat hy oock den zelven mr Blasius tsondachs ghemist inder kercke ende oock zommeghe van
zyne prochianen, en eimers den zelven Blasius suspect houdt van heresie. Ghevraecht ende ghebeden dat hy zoude willen verclaersen wye men op zulx als voorsst es best zoude moghen hooren ende ondervraghen ten fyne dat men daerop zoude moghen
voorzien ende remedie stellen en heift niet willen eenighe denominatie doen zegghende dat hy den bailliu ghesproken hadde ende van zulx doen adverteren omme dat hy delingent toezicht zoude hebben.
-
- Pr Wms voorn ghevraecht wat hem kennelick was van trapport by hem ghedaen anden bailliu zecht dat hem daerof niet anders weet dan dat hy vande pastoor verzocht was zulx anden bailliu te zegghen.
-
- Lauwereijns Luux vrylaet oudt xlv jaeren ondervraecht op tvoorschr verclaerst by solempnelen eede dat mr Blasius hem ghecureirt heeft van een groote ziecte ende inconvenient in zyn kele ende dat hy ghetielen? by hem gheweist heeft. Nemaer dat
hy noyut ghehoordt en heift vande zelve mr Blasius dat hy zoude hem vervoorderen eenighe prekinghe vermaninghe ofte conventikelen te doene binnen dese stede ofte yut hooren zegghen twelcke zoude moghen smaken heresie niet meer jeghens hem
deposant dan o ? andere nochte andere zegghen ofte doen als een man van eere.
-
- Franchois Luucx vrylaet in Oostkerckeambocht ende inwonende deser stede oudt lx jaeren ghevraecht by solenmelen eede of hy ghezien of ghehoordt heeft dat mr Blasius hem vernoordert zoude hebben te houdene eenighe convocatien of eenighe
prekinghe of vermanninghe zecht dat hy vele by den zelve mr Blasius gheweist heift maer en heift zulx noyut van hem ghehoort niet meer droncken zijnde dan nuchter zo hy hem oock niet en heeft hooren spreken een enige blamatie van de heylighe
sacramenten ofte heylighen santen nochte anderssints van hem ghehoort ofte aen hem ghezien dan alle stillichent ghelt een goet man van eere toebehoort.
-
- Lauwereyns Zoetaert vrylaet oock wonachtich binnen deser stede oudt xl jaeren ghevraecht als vooren by eede verclaerst dat hy dicmael met den zelven Blasius gheweist heift dat hy oock scomp: huuse ghedroncken ende ghegheten heift hem ghezien
heift droncken ende nuchtere nemaer heift noyut ghehoort dat hy hem zoude vervoorderen eenichsts te moyene met yemant vermaninghe te doene ofte hem te moyene met den heylighe scrifture yet te zegghene vande vande heylighe sacrementen of santen
ende heylighen ofte eenighe predicatie te doene niet wetende wye zyne hoorders zoude moghen wezen.
-
- Gillis de Lantmetere vrylaet oock wonachtich binnen deser stede item oudt xl jaeren verclaerst by eede dat hy noyut ghehoort heift nochte ghezien dat mr Blasius hem zoude vervoordert hebben eenighe prekinghe vermaninghe ofte leeringhe te doene
ofte anderssints hem yet te moyene met uutlegginghe vande heylighe scrifture yet te missegghen vande heylighe sacramenten ofte heylighen, nochte andersints dan zulx alsmen van een goet kersten mensche es ghecostumeert te hooren.
-
- Adriaen de Vos weert int voorn Hoochuus oudt xxxi jaeren verclaerst by eede dat hy noyut ghehoordt nochte ghezien heift dat mr Blasius hem zoude vervoordert hebben eenighe prekinghe vermaninghe ofte leeringhe te doene onder tghemeente jeghens
hem ofte zyne boden nochte dat hy hem zoude vervoordert hebben eenighe prekinghe vermaninghe ofte leeringhe eenichtsints moyen es met de heylighe scrifture noyut ghehoort en heift hem yet missegghende vande heyligen scrifture eenighe blamatie
zegghende vande heylighe sacramenten heylighen ofte heylighe kerck.
-
- Den pastoor heeft verzocht dat men Pr Clayssen Uuterwulghe zoude hooren ende ondervraghen of den zelven mr Blasius jeghens tzelfs Pr Knape die cranck lach ende den pastoor begheert hadde om te biechten niet en zoude gezeyt hebben dat hy de pape
niet van doene en hadde ende dat hy hem biechten zoude jeghens Godt almachtich.
-
- Volghende welck verzouck es den voorn: Pr die int voorn hoochuus was eenwarf ende anderwarf ontboden met den stedebode ome daerop ondervraecht te wesene ende heift gheweighert te commen zendende in antwoorde datmen hem daertoe porren zoude daer
hy te rechte stondt.
-
- RAZVL 471
- Scepenen Jacob Gheertssen ende Niclays Valentyn waeren te huuse van mr Blasius Matthijssen binnen deser stede vander mude aldaer Joos vande Berghe bailliu wett arrest ten verzoucke van Bertelmeeus Jacqueloot als stochouder der voors stede de
naerv goedinghen:
- eerst in de camer een coetse met een bedde oorpuele 2 sersen een p: slaplaeken 2 groene gordynen een rabat een casse met overtringhe? 2 roo coussens een zwarte damaste casacke een lyne een qua casacke een alfossatte? kues met flueel gheboort
met roo voeringhe een flueele cazacke een zwart vrauwe kerelken? met flueel gheboort met 2 mauwen een saye heersche? clocke een flueele collette 2 roo cramosynen mauwen, een scabelle tafele, een stoel, 2 mottale beckens, 2 mottale cassoiren 2
candelaers, een hoirloogheken 17 tinne saucier taillooren 2 platteelen ende een scaucier, een tinne wijnkanne een rooster een potheyse ende een scerfmes, noch een dronckaertstoel.
- Inde kuekene een brandere, een tanghe, een hanghel, een roo stel, een potheyser, een hanchsel, een vierscuppe, een blasebalck 2 mottale candelaers.
- In een camerken ter zyde de kueken twee groene gordynen ende een rabat, vijf oorkussens, een tinne platteel, vijf fluymen. Inde spende? een ketel, een trock.
- Ome te verhaelen de somme 10 pond 3 sch 1 gr 12 mieten, costen ter cause van diveersche rendten?...
- 4en van hoymaend 1568
-
- GAS 459
- 1569
- Mr Blasius bewuent thuus van Lauwereins Zoetaert voor xxiiij sch tsjrs comt iij sch x gr ij m
- An desen huuse es een plaetsken lants groot ontrent ij lyne de welcke de voorn Lauwereins tzynewaerts ghereseveert heeft twelck hiernaer wordt ghereckent met tlant gaende metten huuse daer hij Lauwereins inne woondt
|
Abt 1530 -
