| Notes |
- RAZVL 471
- 15 april 1565
- Jan Zegherszn gheboren van Corterijck fs Zeghers Diericxzn ende xxi jaar ofte ontrent scenenhoedemakere van zijne ambocht es leden ontrent vier jaeren dat hij tot Cortrijcke laetst woonde van daere heeft ghewoont te Doornyck een half jaer van
daere TAtrecht tot een ghenaempt Arents Gheertssen van ougst tot Bamesse van darent te Steeghers ontrent een half jaer met Anths Focuut tzydert tEekeloo met eenen Bake Jacobssen ontrent drie maenden een schenengoedemakere es van daren verhuust.
Inde weke voor Kesdach tzydert heeft altijt werck ghezocht ende by faulte van dien somptyts een stick etens ghebeden. Zecht dat hy te drie diveersche reysen int hospitael gheslapen heeft eerst achter onse vrauwe Lichtmesse laestleden ende te
vooren zecht noyt binnen Sluus ghewoont te hebben, zecht dat zyn maet daer hy mede ghevanghen was nyt meer ghezien en heeft noch en weet zyne name niet ende heeft hem eerst ghevonden paesavendt te Oosthende.
-
- RAZVL 471
- 15 april 1565
- Jan Aertssen van Cuulenburch gheboren cuuper van zynen ambocht twelcke hy laetst ghedaen heeft tHuutrecht vier jaeren leden tzydert en heeft nieuwers gheweest dan te Duunkercke drie weken verwachtende den wyndt naer Inghelandt ende niet
connende vuergheraken ende cranck gheworden wezende es te Berge ende te Wynocx ghehaen in hospitael van daeren es ghecomen leden veertien daghen nemende zyn wech duer Hondscote ende heeft zyn medemat ghevonden te oosthende ende en weet zyn
name niet heeft met hem niet gheweest dan tzijdert paeshavent ende es hier ghecomen om naer zyn landt te trecken.
|
Abt 1544 -
