| Notes |
- RAZVL 456
- Actum den 1 en van maerte [1564] psent Joachim Hendrix burgemr, Inghel Arendts, Cors Danckaert, Jacob Gheertssen, Sebastiaen Sampson ende Nicolaus Valentijn.
- Comp Joores Teerlinct de welce leyde over seker billet mentie makende van v ande lants te 8 pond vlms tgemet metgaders andere oncosten daerop ghedaen, wanof tslot inhielt als dat Jan van Hermel ghehouden zoude zijn in Lauwereyn Geeraert de some
van 14-15-6 gr vlms verzouckende dat den voorn Lauwerijns Geeraert kennen offe loochenen zoude tzelve billet ende of hij tzelve bij hem niet ghehouden en heeft ende naerder handt ghegheven Lieven Panten in betalinghe van zeker some die hij
Lauwerijns inden zelven Lieven ghehouden was. Waerop de voors Lauwereyns andwoordende zeyde niet te willen loochenen tvoors billet ende dat hij tzelve bij hem ghehadt heeft ende oock Lieven Panten in minderinghe van zulcx als hij in hem
ghehouden was ghegheven bedraghende 13-10-6 gr vlms kende voorts ontfaen thebben vande voorn Jan van Hermel de 6 ponden ende 2 ponden int voors billet ghementioneert ... midts dat hij &re noch lezen noch te scryven en can zoude tsurplus? van
tvoorn billet thignoren niet wetende wat mr Sebastiaen Panten mochte ghescreven hebben van al welcke den voors joncheer Jooris Teerlinck verzochte acte welcke hem gheconsenteert es ende es dese actum ...
-
- RAZVL 471
- Op verzoek van Jooris Teerlinck comp Lieven Panten oudt 20 jaeren ofte daerontrent, welcke comparant wy houden ende reputeren een man van goeder trauwen ende weerdich van gheloove de welcke by zynen eede verclaerde warachtich wezende dat alzo
Lauwereijns Zoetaert hem comparant schuldich ende tachter was de somme van 16 pond over frois van vier jaeren van eene rente van 4 pond tsjrs heeft de voorn Lauwereijns hem comparant in betalinghe ghegheven zeker billet van rekeninge ghedaen
tusschen jonckheer Jan van Hermel ende den voorn Lauwereijns mentie maeckende van 13 pond 15 sch 6 gr die den voorn jonckheer Jan Hermel inde voors Lauwereijns Zoetaert tachter zoude zyn tzelve billet ghescreven byder handt van mr Sebastiaen
Panthen scomparants broedere uut cause dat de zelve mr Sebastiaen Panthen binnen zyne levene den voorn Lauwereijns Zoetaert zoude belooft hebben tvoorschr billet in ontfanck ende minderinghe te nemene. Zeyde voorts de voorn comparant dat hem
wel kennelick es tzelve billet ghescreven te wezen byder handt vande voorn mr Sebastiaen zynen broedere twelck ghescrifte indien them comparant niet zo kennelick gheweest en hadde en zoude tzelve niet zo lichtelick in minderinghe van zyne scult
ghenomen hebben....
- den 26en van Sprocle 1564
|
Abt 1520 -
