Hansken STORM

Other Events:

• Beroep: knecht bij Francois Luucx

Notes:

RAZVL 471

Op 16 april 1567 anscauwet ten huuse van Lauwerijns Zoetaert tdoode lichame van eenen dasscher [korendorser] ghenaempt Pieter die metten zelven Lauwerijns achte daeghen ghewoont hadde ende daer te vooren met Arnoudt Danneelssen, gheboren zomen
zeyde te Dorazelle inde prochie van Everghem wyens toename aldaer elcken onbekent es ende was een joncman luttel ofte gheen baert hebbende. Ende wiert bevonden ghequets in syn slyncker arme neffens aen zyn ocsele aldaer hy een wonde hadde
zonder meer ende zonder eenighe bulslaghe welcke wonde niet en penetreirde nochtans wiert die ghedeclareirt letale ende doodel: by mre Chrispiaen La Mote ghesworen chirurgien ende dat daer de groote esfluen? des bloets twelck men zeyde ghedaen
te zyne by eenen ghenaempt Pr Vermoor wonachtich te Houcke ten huuze vande weduwe van Jacob Lauwers sdaechs te vooren inden avendt alzo den defunct ende den voorn Pr met meer andere tsamen hadden ghedroncken int hoochuus binnen der zelven stede
ende aldaer jeghens elckanderen quastien ghecreghen hadde ende dat den diffunct vooren loopende naer thuus van Lauwereijns Zoetaert daer in woonde es hem den voorn Pr Vermoor ghevolcht ende alsdoen hem ghestoken de zelve wonde met een brootmes
ofte snydere zo dat hy daerof ghestorven es ten twaelf hueren in de zelve nacht. Actum den daghe ende jaere als boven present Adriaen de Brune als stedehoudere van Jacob de Muennick hoogbailliu, Jacob Gheertssen ende Inghel Arents, scepenen.

De ghelaghenoten waren Adriaen Deins, Jacob van Ghendt, Hansken Storm, twee cnapen van Fransois Luucx.

Men zoude oock mueghen hooren by informaty Adriaen de Vos weert int hooch huus ende Arnout Danneelssen.